San-Fransiskoda səfərdə olan 4SİM-in icraçı direktoru Fariz Cəfərov və Süni intellekt layihələri üzrə menecer Ruslan Zeynalzadə Silikon vadisinin rezidenti olan Plug and Play şirkətinin ofisində onun Enerji və Davamlılıq istiqamətinin təsisçisi Wade Bitaraf ilə görüşüblər.
Tərəflər “Rəqəmsal iqtisadiyyatın inkişafı üzrə Strategiya” çərçivəsində Azərbaycanda yaradılması nəzərdə tutulan Rəqəmsal Əməkdaşlıq Mərkəzi, eləcə də Yeni Bizneslərin yaradılması layihələrində əməkdaşlıq istiqamətlərini müzakirə ediblər.
Bundan başqa, ölkəmizdə startap ekosisteminin inkişafı üçün Plug and Play şirkətinin Azərbaycanda ofisinin açılması, Azərbaycan - Silikon vadisi əlaqələrinin gücləndirilməsi, Azərbaycanda startaplatın inkişafı üçün ayrılması nəzərdə tutulan fondların səmərəli idarə olunması imkanları barədə fikir mübadiləsi aparılıb.
