Dördüncü Sənaye İnqilabının Təhlili və Koordinasiya Mərkəzi (4SİM) İyulun 23-də Kiçik və Orta Biznes Subyektləri və Klublarının Assosiasiyasının (KOBSKA) təşkilatçılığı ilə keçiriləcək “iFest” innovasiya və texnologiya festivalının rəsmi tərəfdaşıdır.
Festivalda 30-a yaxın startapın sərgisi, investor görüşləri (pitching), "Startap Forum"un təqdimatı, panel müzakirələri və texnoloji təqdimatla zəngin maraqlı proqramı sizi gözləyir. Tədbirdə iştirak üçün 1000-dən çox ziyarətçi qeydiyyatdan keçib.
Festival iştirakçıları 4SİM stendinə yaxınlaşaraq qurumun fəaliyyəti ilə tanış ola və “4Sİ Akademiyası” çərçivəsində Coursera platformasında ödənişsiz kurslara kuponlar qazana bilər.
Qeydiyyat linki: https://kobska.az/media-center/news/olkemizde-ilk-defe-ifest-innovasiya-ve-texnologiya-festivali-kecirilecek
Ünvan: Baku Marriott Boulevard Hotel
Tarix: 23 iyul 2024
