Sentyabrın 16-da ABŞ-nin Las Veqas şəhərində keçirilən "Coursera Şəbəkə Konfransı 2024" tədbiri çərçivəsində 4SİM-in icraçı direktoru Fariz Cəfərov "Coursera" şirkətinin həmtəsisçisi və sədri, Stanford Universitetinin Süni İntellekt üzrə professoru və Deeplearning.ai şirkətinin qurucusu Endryu İn (Andrew Ng) ilə görüşüb.
Görüş zamanı Azərbaycanın "Coursera" ilə əməkdaşlıq perspektivləri və birgə layihələr müzakirə olunub. Endryu İn günəş geomühəndisliyi konsepsiyası və iqlim dəyişikliyinə dair insan davranışlarının nəticələrini göstərən, özü tərəfindən hazırlanmış onlayn alət barədə məlumat verib.
