İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzində (4SİM) “Honeyvell” şirkətinin nümayəndə heyəti ilə görüş keçirilib.
Görüşdə iqtisadiyyat nazirinin müşaviri Rauf Nəcəfli, 4SİM-in icraçı direktoru Fariz Cəfərov, "Honeyvell" şirkətinin Baş kommersiya direktoru Oktay Başer, Biznesin inkişafı və strateji tərəfdaşlıq lideri Oğuz Algan və digər nümayəndələr iştirak edib.
Görüşdə "Honeyvell" şirkətinin fəaliyyət istiqamətləri və 4SİM tərəfindən Azərbaycanda icra olunan layihələr barədə məlumat verilib.
Tərəflər Azərbaycanda rəqəmsal iqtisadiyyatın inkişafı istiqamətində potensial əməkdaşlıq istiqamətlərini müzakirə ediblər.
