DİF-in Enerji və Materiallar Mərkəzinin nümayəndələri ilə görüş

Davosda Dünya İqtisadi Forumunda iştirak edən Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov DİF-in Enerji və Materiallar Mərkəzinin (Centre for En4ergy and Materials) Enerji Keçidi və Regional Akselerasiya üzrə rəhbəri Espen Mehlum və DİF-in 4Sİ Mərkəzləri Şəbəkələri və Tərəfdaşlarla iş üzrə rəhbəri Kateryna Bakulina ilə görüşüb.

Görüşdə Forum ilə birgə həyata keçirilən "Enerjidə Süni intellekt həlləri" (AI in Energy) və icrası nəzərdə tutulan "Transitioning Industrial Clusters” (Keçid edən Sənaye Klasterləri) təşəbbüsü haqqında müzakirələr aparılmışdır.

Sözügedən təşəbbüs 4 qitəni və 11 ölkəni əhatə edən 25-dən çox sənaye klasterini birləşdirir.

"McKinsey" şirkətinin baş tərəfdaşı Rodney Zemmel ilə görüş

Davos Forumunda iştirak edən 4SİM-in icraçı direktoru Fariz Cəfərov “C3 AI” və "McKinsey & Company" şirkətlərinin təşkil etdiyi “Müəssisələr üçün generativ süni intellekt” mövzusunda dialoqa qatılıb.

Tədbirdə “C3 Aİ” şirkətinin Baş texniki direktoru Nikhil Krishnan və “McKinsey" şirkətinin Rəqəmsallaşma və Sİ transformasiyası üzrə qlobal lideri və baş tərəfdaşı Rodney Zemmel iştirak ediblər. Fariz Cəfərov Rodney Zemmel ilə görüşdə Rəqəmsal iqtisadiyyatın inkişafı üzrə strategiya sənədi və McKinsey şirkəti ilə əməkdaşlıq məsələlərini müzakirə edib.

Dialoq iştirakçıları generativ süni intellektin müəssisələri necə dəyişdirdiyi, məhsuldarlığı, innovasiyanı və qərar qəbulunu necə yenidən formalaşdırdığı barədə fikir mübadiləsi aparıblar. Sessiya zamanı generativ süni intellektin avtomatlaşdırılmış məzmun yaradılmasından tutmuş mühüm qərar qəbulunda dəstəyə qədər dünyada real istifadə halları müzakirə olunub, süni intellektin bizneslərə gətirdiyi strateji üstünlüklər vurğulanıb.